TV Schedule
Ditari - Escobar: Kemi probleme komunikimi me kryeministrin Kurti
I dërguari i Shteteve të Bashkuara për Ballkanin Perëndimor, Gabriel Escobar, kritikoi rreptë qasjen e qeverisë së Kosovës lidhur me përdorimin e dinarit në zonat e banuara me shumicë serbe dhe mungesën e bashkërendimit me komunitetin ndërkombëtar për këtë çështje. Emigrantët shqiptarë tërhiqen nga ‘shtëpitë e barit’ në Britani pa qenë plotësisht të vetëdijshëm dhe të informuar për rreziqet që mbart ky aktivitet i paligjshëm, sipas një materiali që është një bashkëpunim mes Rrjetit BIRN dhe Zërit të Amerikës. Në Shtetet e Bashkuara, Ish-Prokurori i Posaçëm, Robert Hur dëshmon para një komisioni të Kongresit mbi raportin e tij për mbajtjen e paautorizuar të dokumenteve sekrete nga Presidenti Biden, duke thënë se se vlerësimi i tij ishte i domosdoshëm, i saktë dhe i drejtë.
