TV

Diplomatët amerikanë do të rikthehen këtë javë në Ukrainë, një zhvillim që pason vizitën e sekretarit Blinken dhe atij Austin në Kiev. Sekretari i Mbrotjes thotë se Shtetet e Bashkuara duam ta shohin Rusinë të dobësuar deri në atë masë, sa të mos jetë më në gjendje të kryejë sulme të tilla në të ardhmen. Ndihmës Sekretarja amerikane e Shtetit Karen Donfried qëndron sot në Prishtinë në fillim të një turneu një javor në vendet e Ballkanit Perëndimor. Në Shqipëri rritja e çmimeve që pas luftës në Ukrainë është bërë më e ndjeshme tek shtresat më në nevojë. Qeveria ka miratuar një ndihmë financiare, por ekspertët thonë se ajo nuk i përgjigjet nivelit më të cilin janë rritur çmimet. Megjithë fitoren në balotazhin e së dielës që i siguroi Emmanuel Macronit një mandat të dytë si president, opinioni francez mbetet më i ndarë se kurrë. Rezultatet tregojnë për një rritje të mbështetjes për ekstremin e djathtë.