TV

Departamenti i Shtetit shpall sanksione të reja ndaj disa zyrtarëve të Ballkanit Perëndimor. Në Maqedoninë e Veriut, ish Kryeministri Nikola Gruevski dhe ish shefi i Drejtorisë për Zbulim dhe Kundërzbulim Sasho Mijalkov, si dhe Gordana Tadiç, nga zyra e Prokurorisë së Përgjithshme të Bosnje Hercegovinës u shpallën sot persona non-grata për shkak të pjesëmarrjes në korrupsion si dhe për rolin e tyre për të minuar demokracinë dhe institucionet demokratike në vendet e tyre. Veç tyre, Departamenti i Thesarit shpalli sot sanksione ndaj ish deputetit të Kuvendit të Shqipërisë Aqif Rakipi dhe biznesmenit Ylli Ndroqi. Sipas zyrtarëve britanikë të zbulimit, forcat ukrainase kanë zmbrapsur disa sulme të Rusisë në rajonet lindore të Ukrainës. Presidenti francez Emmanuel Macron dhe udhëheqësja e ekstremit të djathtë Marine Le Pen do të përballen me njëri-tjetrin në balotazh për zgjedhjet presidenciale më 24 prill. Analistët thonë se gara pritet të jetë e ngushtë.