TV

Forcat ruse kanë nisur ofensivën në shkallë të gjerë, në një vijë fronti prej 480 kilometrash, për të marrë nën kontroll rajonet lindore të Ukrainës, që përbëjnë zemrën e saj industriale, pas dështimit në Kiev. Në Shqipëri shumica socialiste nisi sot procesin për kandidaturat për presidentin e ri të vendit, duke deklaruar se është e gatshme të mirëpresë propozime dhe nga opozita. Po në Shqipëri, sipas një studimi të ri, krimet zgjedhore mbeten pa u ndëshkuar, megjithë numrin e lartë të denoncimeve. Një vit pas zgjedhjeve të përgjithshme, nga 140 procedime penale për krime zgjedhore, është gjykuar deri në fund vetëm një prej ketyre rasteve.