TV

Trupat ukrainase në Mariupol po sfidojnë një ultimatum të forcave ruse për t’u dorëzuar. Ndërkohë ushtria ukrainase njoftoi se trupat ruse po hasin probleme të mëdha në zinxhirin e furnizimit dhe me moralin e ushtarëve. Presidenti ukrainas Volodymyr Zelenskyy tha se krimet e Rusisë ndaj civilëve rrezikojnë t’i japin fund procesit të negocimit. Në Shqipëri dhe Kosovë besimtarët katolikë kremtuan sot Pashkët. Kuta e Mallakastrës është një nga fshatrat e Shqipërisë që pesë vitet e fundit po njeh një braktisje të madhe nga të rinjtë. Ekspertët vlerësojnë se dukuria e emigrimit të të rinjve po sjell gjithnjë e më shumë shpopullim dhe plakje të popullsisë në Shqipëri, sidomos në fshatra.