TV
Ditari - Rusia sulmon Kievin dhe Lvivin, ndërsa përforcon ofensivën ndaj Mariupolit
Ushtria ruse godititi sot kryeqytetin e Ukrainës, Kievin dhe qytetin në perëndim të vendit Lvivin, ndërsa po përforcon ofensivën ndaj Mariupolit. Ushtria e Ukrainës tha se ekziston një kërcënim i madh nga sulmet e intensifikuara me raketa ruse kundër këtij vendi. E themeluar në vitin 2019 Klinika Dixhitale e Kosovës, tashmë do t'u ofrojë shërbime shëndetësore nëpërmjet internetit edhe refugjatëve ukrainas, kudo ata ndodhen. Për këtë qëllim pak ditë më parë u krijua “Klinika Dixhitale për Ukrainën”, në kuadër të së cilës po bashkëpunohet edhe me mjekë ukrainas, për t'u ardhur në ndihmë të zhvendosurve si pasojë e agresionit rus në Ukrainë. Në prag të meshës tradicionale të Pashkëve, që mbahet në mesnatë, Kryetari i Konferencës Ipeshkvore të Shqipërisë, imzot Angelo Massafra, iu drejtua me një mesazh urimi të gjithë besimtarëve duke u kërkuar që të mbështesin paqen si dhe të luftojnë dhunën, korrupsionin dhe padrejtësitë.