TV

Kryeprokurori i Gjykatës Ndërkombëtare Penale Karim Khan, ishte në Buça, skenë e krimeve nga më mizoret që kanë kryer trupat ruse në Ukrainë. Prokurorët dhe ekspertët vendas kanë nisur punën për dokumentimin e krimeve të luftës. Autoritetet ukrainase njoftuan se kanë dëmtuar rëndë anijen kryesore të flotës ruse në Detit të Zi. Moska e hodhi poshtë një gjë të tillë, duke thënë se në anije kishte rënë zjarr. Ky zhvillim shihet si një problem i madh për Rusinë ndërsa po përpiqet të riorganizojë trupat e saj, për një ofensivë në pjesën lindore të Ukrainës. Në Kosovë, organizatat dhe të mbijetuarit e dhunës seksuale gjatë luftës së viteve 1998–1999 kërkojnë që 14 prilli të caktohet si ditë zyrtare përkujtimore për viktimat e këtij krimi. Deri tani rreth 1 mijë e 50 persona kanë marrë statusin e viktimës së krimeve seksuale gjatë luftës.