TV

Vazhdon përplasja Kosovë - Serbi mbi çështjen e targave, ndërsa më 31 tetor skadon afati i vendosur nga Prishtina për konvertimin e tyre. Presidentja e Kosovës Vjosa Osmani dhe Presidenti i Serbisë Aleksandër Vuçiç akuzojnë njëri-tjetrin për kërcënim të paqes. Presidentja e Komisionit Evropian, Ursula von der Leyen ndodhet për një turne në Ballkanin Perëndimor. Gjatë vizitës në Prishtinë ajo njoftoi një ndihmë prej 75 milionë eurosh për Kosovën për të përballuar krizën energjetike. Në Tiranë, Partia Demokratike, e drejtuar nga ish presidenti Sali Berisha, dhe Partia e Lirisë, e drejtuar nga ish presidenti Ilir Meta, nënshkruan sot një marrëveshje për të garuar me kandidatë të përbashkët në zgjedhjet vendore të 14 majit.