TV

Kancelari gjerman Olaf Scholz tha sot se procesi i normalizimit të marrëdhënieve ndërmjet Kosovës dhe Serbisë duhet të përshpejtohet si dhe paralajmëroi se së shpejti mund të priten zhvillime pozitive pas nismës franko-gjermane. Ai i bëri këto komente pas takimit të Procesit të Berlinit, në të cilin vendet e Ballkanit Perëndimor nënshkruan tri marrëveshje për njohjen e dokumenteve të identifikimit, diplomave universitare dhe kualifikimeve profesionale. Presidenti Joe Biden ngre shqetësimin mbi rrezikun që i kanoset demokracisë nga gënjeshtrat, dhuna e përçarja e shkaktuar nga ata, që ai i quajti, “Ultra MAGA”, duke iu referuar sloganit kryesor të ish-presidentit Donald Trump. Turqia i rikthehet debatit të nxehtë mbi të drejtën e grave për të mbuluar kokën me shami fetare ndërsa mbetet më pak se një vit nga zgjedhjet. Drejtuesit e partive kryesore politike po zotohen ta garantojnë këtë të drejtë me ligj.