TV

Në Gjermani, ministrat e gjashtë vendeve të Ballkanit Perëndimor ranë dakord që qytetarët e vendeve të tyre të udhëtojnë pa viza. Vendimi i marrë në kuadër të atij që njihet si Procesi i Berlinit, përfshin edhe njohjen e ndërsjellë të diplomave universitare dhe kualifikimeve profesionale. Në Kosovë, politikanët reagojnë pas rritjes së trysnisë së Shteteve të Bashkuara dhe Bashkimit Evropian për arritjen e një marrëveshjeje mes Prishtinës dhe Beogradit. Në Shqipëri, socialistët njoftuan sot depozitimin e dy nismave të reja ligjore të cilat synojnë të pengojnë marrjen e posteve publike apo drejtimin e forcave politike, nga persona të lidhur me ish-Sigurimin e Shtetit. Propozimi vjen një ditë pasi parlamenti miratoi disa ndryshime ligjore për hapjen e dosjeve. Ish-kryeministri Sali Berisha tha sot se ky është një ligj për një njeri, duke ju referuar ish presidentit Ilir Meta.