TV

Lista Serbe, njoftoi të shtunën se ka vendosur të largohen nga të gjitha institucionet e Kosovës, për shkak të asaj që e cilësuan moszbatim i marrëveshjeve të Brukselit nga autoritetet në Prishtinë. Kryeministri Albin Kurti, akuzoi Serbinë se po përpiqet të destabilizojë Kosovën. Irani pranoi sot për herë të parë, se ka furnizuar Rusinë me dronë luftarakë, të cilët Moska po i përdor për të shkatërruar infrastrukturën energjitike të Ukrainës dhe për të goditur objektiva civile. Por ministri i Jashtëm i Iranit tha se dërgimi i tyre, u bë përpara fillimit të sulmit në Ukrainë. Me afrimin e zgjedhjeve për Kongresin amerikan,fushatat elektorale janë shndërruar në një fushëbetejë të ish-presidentëve.