TV

Diplomatë evropianë thanë sot në Prishtinë se Ballkani Perëndimor përmban ende rreziqe që mund të çojnë në trazira. Sipas tyre, kjo mund të parandalohet duke afruar këtë rajon me Bashkimin Evropian. Në zgjedhjet e pjesshme lokale ne Mal te Zi, kanë fituar partitë pro-ruse dhe pro-serbe, ndërsa Partia Demokratike Socialiste e presidentit aktual Milo Gjukanoviç ka shënuar humbje. Sot në Nju Jork fillon gjyqi ndaj kompanisë së ish presidentit Donald Trump “Organizata Trump”, e akuzuar për mospagim taksash. Sfida e parë me të cilën përballet gjykata është zgjedhja e një jurie me banorë të Nju Jorkut që nuk kanë qendrime të fuqishme ndaj ish presidentit.