TV

Britania ka akuzuar Kremlinin se po kërkon që të vendosë një udhëheqës pro-rus në Ukrainë. Ministria e Jashtme britanike tha se kishte informacione se qeveria ruse po ndihmonte ish-deputetin ukrainas Yevhen Murayev të vendosej në krye të një qeverie pro-ruse. Moska i hodhi poshtë pretendimet. Rritje disa shifrore e infeksioneve të reja me koronavirus në Kosovë, autoritetet thonë se mes të infektuarve mbizotëron varianti Omicron. Kohët e fundit në Shqipëri po shtohen akademitë e kodimit. Grupe të rinjsh mblidhen në qendra trajnimi të specializuara, ku mësojnë të rejat më të fundit nga teknologjia dixhitale. Fermerët e vegjël në Shqipëri çdo ditë e më shumë e kanë të pamundur të punojnë tokën, pasi çmimi i karburantit është i lartë si dhe mungojnë pajisjet moderne. Në fshatin Fishtë të Lezhës, banorët po përdorin tani mjete primitive për të punuar tokën.