TV

Presidenti i Ukrainës, ambasadorët e vendeve të grupit të G7-ës, përfaqësues të Turqisë dhe OKB vizituan të premten një nga portet kryesore të Ukrainës në Detin e Zi dhe inspektuan anijet që do të transportojnë grurin. Presidenti amerikan Joe Biden dhe udhëheqësi kinez Xi Jinping biseduan gjerësisht të enjten në mëngjes mes tensioneve rreth një vizite të mundshme të kryetares së Dhomës së Përfaqësuesve Nancy Pelosi në Tajvan, diçka që Pekini ka paralajmëruar se do të "përballej me përgjigje të fuqishme". Në Tiranë, dy grupet më të mëdha parlamentare i kërkuan sot Kuvendit ndryshime në ligjet, që kanë të bëjnë me sekretin shtetëror dhe me dokumentet e Sigurimit të Shtetit.