TV
Ditari - Hapet rruga për bisedimet e anëtarësimit në BE, për Tiranën dhe Shkupin
Maqedonia e Veriut dhe Bullgaria arritën sot një marrëveshje për të zgjidhur ngërçin mes tyre, bazuar në një propozim të Francës. Marrëveshja i hap rrugën nisjes zyrtare të bisedimeve për anëtarësim në Bashkimin Evropian të Shkupit dhe Tiranës. Presidenti Biden tha sot se NATO është më e bashkuar se kurrë që pas fillimit të agresionit të Rusisë në Ukrainë. Në një konferencë shtypi, në përfundim të takimit të nivelit të lartë të aleancës që u mbajt në Madrid, Presidenti Biden tha se në ditët në vazhdim Uashingtoni do të njoftojë 800 milionë dollarë ndihmë shtesë në armatime për Ukrainën. Një sondazh i ri tregon se rreth gjysma e amerikanëve duan që ndaj ish-Presidentit Donald Trump të ngrihen akuza lidhur me rolin e tij në sulmin e dhunshëm ndaj Kapitolit.
