TV

Shërbimet amerikane e britanike të zbulimit thonë se kompanitë nuk duhet të nënvlerësojnë angazhimin e Kinës për të vjedhur pronën intelektuale përmes spiunazhit. Në Tiranë, Presidenti Ilir Meta bëri thirrje sot të mbrohet Parku Kombëtar i Butrintit nga planet për një menaxhim të ri, që sipas tij po miratohen duke shkelur Kushtetutën dhe konventat ndërkombëtare. Reagimi erdhi pasi shumica socialiste rrëzoi në komisionin parlamentar të Ekonomisë dekretin e tij që kthente për rishqyrtim në parlament këtë marrëveshje. Një ligj i ri që ndalon ndërtimin e hidrocentraleve të vegjël po shihet si fitore për aktivistët e mjedisit në Bosnje dhe Hercegovinë. Ata planifikojnë të vazhdojnë betejën për mbrojtjen e rrjedhave të veçanta ujore në mbarë Ballkanin.