TV
Ditari - Njëqind ditë prej fillimit të agresionit rus në Ukrainë
Sulmi i Rusisë në Ukrainë është shndërruar në konfliktin më të rëndë të armatosur në Evropë ndër dekada. I dërguari i Posaçëm i Shteteve të Bashkuara për Ballkanin Perëndimor, Gabriel Escobar, thotë se Maqedonia e Veriut dhe Shqipëria duhet të anëtarësohen sa më shpejt në Bashkimin Evropian dhe se ideja e një Evrope të lirë dhe në paqe, nuk quhet e plotë pa Ballkanin Perëndimor. Intervistë me Ministrin e Jashtëm të Maqedonisë së Veriut Bujar Osmani, pas zhvillimit për herë të parë të ashtuquajturit Dialog Strategjik mes Shteteve të Bashkuara dhe Maqedonisë së Veriut, në Uashington. Cili është ndikimi i diplomacisë ruse në Shqipëri, Kosovë dhe në të gjithë Ballkanin? Zëri i Amerikës bisedoi me studiuesin e njohur të diplomacisë rajonale dhe ndërkombëtare Shaban Murati, i cila sapo ka botuar librin me titull “Rusët po vijnë”.