TV

Vazhdojnë përpjekjet për të evakuuar luftëtarët e mbetur në fabrikën e çelikut Azovstal, bastioni i fundit i qëndresës ukrainase në Mariupol. Në Shqipëri, raundi i dytë i votimit për presidentin e ri zhvillohet të hënën e ardhshme, ndërsa palët ende nuk po gjejnë gjuhën e përbashkët për gjetjen e një figure konsensuale. Në Kosovë organizatat që merren me mbrojtjen e të drejtave të komunitetit LGBT, thonë se gjendja e tyre është përkeqësuar dhe bëjnë thirrje për mbështetje më të madhe institucionale për këtë komunitet.