TV

Kryeministri i Kosovës Albin Kurti tha sot se Shtetet e Bashkuara janë në kontakt me Brukselin për gjetjen e një zgjidhje për situatën në veriun e Kosovës. Të hënën në mbrëmje kryeministri Kurti u pajtua me kërkesën amerikane për të shtyrë zbatimin e vendimit për vendosjen e gjobave për pronarët e makinave me targa të lëshuara nga Serbia me 48 orë, për t’i dhënë hapësirë gjetjes së një zgjidhjeje për të ulur tensionet. Ambasadorja e posaçme amerikane Beth Van Schaack thotë se zinxhiri komandues rus është përgjegjës për krimet e luftës në Ukrainë. Dita e sotme ka shënuar një reduktim të shpejtë të sipërfaqes së përmbytur në Shkodër dhe Lezhë, por autoritetet paralajmërojnë se ky mund të jetë një përmirësim i përkohshëm, pasi në ditët në vazhdim priten përsëri reshje me intensitet të lartë.