TV

Të paktën 35 persona janë vrarë dhe 134 u plagosën të dielën herët në mëngjes pasi Moska lëshoi rreth 30 raketa kruz ndaj një bazë ushtarake në perëndim të Ukrainës. Baza ndodhet shumë pranë kufirit me Poloninë. Ligjvënësja ukrainase Lesia Vasylenko paralajmëroi sot se është vetëm çështje kohe para se Rusia të sulmojë Poloninë. Një eksperte e ligjit ndërkombëtar për refugjatët thotë për Zërin e Amerikës se bujaria me të cilën janë pritur ukrainasit nga vendet evropiane, ka rindezur shpirtin humanitar në mbarë botën ndërsa ka shpalosur standardin e dyfishtë ndaj grupeve të tjera të refugjatëve. Në Tiranë u mbajt sot për të pestën ditë protesta e qytetarëve kundër rritjes së çmimeve të karburanteve dhe ushqimeve. Në Kosovë përfaqësuesit e sindikatave po bëjnë përpjekje për rritje të pagës minimale. Vendi ka pagën më të ulët minimale në Evropë.