TV

Rusia njoftoi sot se një pjesë e trupave të saj po ktheheshin në bazë pas stërvitjeve pranë Ukrainës, por NATO tha se ende nuk ka parë ndonjë provë të uljes së tensioneve që mund të shmangte një konflikt ushtarak. Presidenti Vladimir Putin tha se Rusia është e përgatitur të vazhdojë dialogun për raketat dhe çështje të tjera të sigurisë me Perëndimin. Ai i bëri këto komente në Moskë, në një konferencë shtypi me Kancelarin gjerman Olaf Scholz. Në një raport të Institutit të Prishtinës për Studimin e Politikave, thuhet se politika e jashtme e Kosovës gjatë vitit të kaluar nuk ka shënuar ndonjë përparim, por as përkeqësim të marrëdhënieve me partnerët e saj strategjik. Raporti sugjeron ndryshimin e formatit të bisedimeve Kosovë-Serbi, që është shndërruar, siç thuhet në dialog për menaxhimin e krizave.