TV

Në Shqipëri, studiues të pavarur thonë për Zërin e Amerikës se publikimi i informacioneve financiare të një numri të madh shtetasish është dëshmi e mungesës së seriozitetit, me të cilën autoritetet trajtojnë çështjen e të dhënave personale. Vazhdojnë përplasjet në Partinë Demokratike. Zoti Berisha i kërkon zoti Basha të largohet nga zyra e tij brenda datës 5 janar. Në rast të kundërt thotë ai do të jetë anëtarësia që do marrë në kontrollin e selisë. Por kryetari demokrat, tha se kjo forcë politike i ka marrë vendimet e veta e do t’u qëndrojë atyre deri në fund. Presidenti i Kroacisë Zoran Milanoviç tha sot në Prishtinë se nisma Ballkani i Hapur pa përfshirjen e Kosovës si e barabartë, është e kotë. Ai hodhi dyshime mbi qëllimet e nismës.