Ambasadorja Kim: Gjykata Kushtetuese funksionale brenda 31 dhjetorit

Në Shqipëri ambasadorja amerikane Yuri Kim, ka besim se brenda 31 dhjetorit Gjykata Kushtetuese do të jetë funksionale dhe se për këtë, ajo ka marrë dhe fjalën e presidentit Iir Meta dhe Kryetarit të parlamentit Gramoz Ruçi. Në një intervistë për Zërin e Amerikës ajo thotë se korrupsioni në Shqipëri është një kancer, e se është i tillë si në perceptim ashtu dhe në realitet. Për këtë arsye ajo thekson se është e rëndësishme që Prokuroria speciale të funksionojë plotësisht, duke vlerësuar veprimet e ndërmarra së fundmi nga SPAK.