Para disa ditësh parlamenti i Kosovës miratoi ligjin për pagat në sektorin publik duke e cilësuar ngjarjen si me rëndësi të madhe për vendin. Por ky ligj ka shkaktuar pakënaqësi tek disa kategori që kërkojnë barazi në pagat brenda sektorëve publikë. Ndërsa ekspertët e ekonomisë thonë se ligji thellon hendekun mes pagave në sektorin publik dhe atyre në sektorin privat duke tërhequr vërejtjen për pasojat e rënda që mund të sjellë në të ardhmen një vendim i tillë.
