Në Kosovë është duke u zhvilluar edicioni i gjashtë i festivalit “FemArt”, i cili synon që përmes veprimtarive të ndryshme të çojë përpara çështjet që lidhen me fuqizimin e gruas. Organizatorët thanë se programi i sivjetshëm është më i gjeri dhe më i veçanti i organizuar deri tani, duke theksuar posaçërisht pjesëmarrjen e artistëve nga teatri “La Mama” i Nju Jorkut.
