Draft Entry

Kryeministri i Kosovës, Hashim Thaçi u bëri thirrje sot serbëve të Kosovës që të regjistrojnë subjektet politike që do të marrin pjesë në zgjedhjet komunale të 3 nëntorit, brenda afatit ligjor. Katër shtatori është afati ligjor, ndërsa edhe më tej është e paqartë mënyra e pjesëmarrjes së serbëve të Kosovës në votime. Paqartësitë dhe disa nga mospajtimet rreth këtij procesi pritet të sqarohen në takimin e radhës ndërmjet kryeministrave të Kosovës dhe Serbisë, të martën në Bruksel.