Thaçi e Daçiç zotohen të zbatojnë marrëveshjen

Kryeministrat e Kosovës dhe Serbisë, Hashim Thaçi e Ivica Daçiç u zotuan për zbatim të plotë të marrëveshjes për normalizimin e marrëdhënieve ndërmjet të dyja vendeve. Kryeministri Thaçi tha në Prishtinë se kjo marrëveshje u ka hapur Kosovës dhe rajonit një rrugë të sigurt evropiane. Ndërsa kryeministri Daçiç, tha në Bruksel se pret një vendim të pakushtëzuar për fillimin e negociatave për anëtarësim në Bashkimin Evropian. Dje ministrat e jashtëm të Bashkimit Evropian ranë dakord të fillojnë negociatat për marrëveshjen e stabilizim asocimit me Kosovën, ndërsa në janar të vitit që po vjen ato për anëtarësim të Serbisë.