Thaçi: Raundi i ri i bisedimeve mund të jetë vendimtar

Kryeministri i Kosovës Hashim Thaçi, i tha sot deputeteve të Parlamentit të Kosovës se raundi i ri i bisedimeve ndërmjet Kosovës dhe Serbisë që do të mbahet me dy prill, mund të jetë vendimtar për procesin e normalizimit të marrëdhënieve ndërmjet tyre. Ai i tha deputetëve se trysnia ndërkombëtare është e përqendruar ndaj Serbisë, e cila po kërkon një shkallë të lartë përgjegjësie për komunat me shumicë serbe në veri. Një pjesë e opozitës i vlerësoi sërish bisedimet si të dëmshme për shtetin e Kosovës.