Nga zjarri që ra sot në Kullën Trump në Nju Jork, u plagosën dy persona.
Sipas autoriteteve, departamenti i zjarrfikësve u njoftua nga një telefonatë herët në mëngjes për zjarrin që kishte rënë në katin e sipërm të godinës 68-katëshe, që ka qenë vendbanimi kryesor i Donald Trump-it përpara se të fitonte zgjedhjet presidenciale.
Në kohën kur ra zjarri Presidenti Trump ndodhej në Uashington.
Zjarrfikësve iu deshën rreth 90 minuta për të vendosur situatën nën kontroll. Sipas agjencisë së lajmeve Reuters rreth 84 zjarrfikës nga 26 njësi të shuarjes së zjarrit u thirrën në vendngjarje.
Nuk është ende e qartë se çfarë mund ta ketë shkaktuar zjarrin.
Facebook Forum