Gjykata e Hagës shtyn rigjykimin e pjesshëm të Ramush Haradinajt

Gjykata Ndërkombëtare për Krime Lufte, shtyu për të hënën rigjykimin e pjesshëm të ish kryeministrit të Kosovës Ramush Haradinaj dhe dy bashkëluftëtarëve të tij, të akuzuar për krime lufte. Të hënën para trupit gjykues pritet të dalë dëshmitari kryesor Shefqet Kabashi, i cili akuzohet për shpërfillje të gjykatës, për shkak se kishte refuzuar të dëshmojë kundër zotit Haradinaj në procesin e kaluar gjyqësor, kur zoti Haradinaj u shpall i pafajshëm.