Në Prishtinë, Aleanca për Ardhmërinë e Kosovës, akuzoi të enjten qeverinë për siç tha ajo logjikë të terrorit politik. Akuzat ishin pjesë e reagimeve që nxiti ndalimi i një dite më parë nga policia e Kosovës të anëtarit të kryesisë së kësaj partie, Muhamet Kelmendi. Policia tha se ai ishte ndaluar bashkë me katër persona të tjerë në kuadër të një hetimi, pa sqaruar se për çfarë hetimi bëhet fjalë. Aleanca për Ardhmërinë e Kosovës tha se ky është një skandal i drejtuar kundër opozitës.