SPAK arrestoi sot në Tiranë ish-presidentin e Republikës dhe kryetarin e Partisë së Lirisë, Ilir Meta. Akuzat zyrtare ndaj tij nuk janë bërë ende publike, por sipas avokatit të zotit Meta, ato kanë të bëjnë me dyshimet për korrupsion, pastrim parash dhe fshehje të pasurisë. James O’Brian, ndodhet sot në Kosovë, në vizitën e tij parë zyrtare si Ndihmësekretar amerikan i Shtetit për Evropën. Para Prishtinës ai ishte në Beograd ku theksoi nevojën e krijimit të Asociacionit të komunave me shumicë serbe. Rreth dy javë nga zgjedhjet presidenciale amerikane, dy kandidatët, Kamala Harris dhe Donald Trump, nxehin tonet kundër njëri-tjetrit.