Zyra e Bashkimit Europian në Shqipëri e konsideron një hap jo në drejtimin e duhur vendimin e parlamentit i cili pengoi dërgimin në Gjykatën Kushtetutese të çështjes së mandatit të deputetes Olta Xhaçka. Kyetarja e Kuvendit Elisa Spiropali tha se i ishte drejtuar Komisionit të Venecias për opinion, por sipas opozitës shumica po tenton të justifikojë një puç pushtetues. Presidenti Joe Biden dhe Kryeministrit britanik Keir Starmer takohen të premten pasdite në Shtëpinë e Bardhë ku mes të tjerash do të diskutojnë për kërkesën e Ukrainës për të lehtësuar përdorimin e armëve të dhëna nga Shtetet e Bashkuara dhe Britania. Anketat tregojnë për një garë të ngushtë mes kandidates demokrate Kamala Harris dhe republikanit Donald Trump. Sipas sondazheve më shumë votuese gra anojnë ndaj zonjës Harris, të cilat kanë një përqindje më të lartë të pjesëmarrjes në votime se burrat.