Sulmet izraelite vranë të paktën 18 persona në Gazë dhe një palestinez vrau dy persona në një sulm me thikë në periferi të Tel Avivit, ndërkohë që shtohet frika për përhapjen e konfliktit në rajon. Në bashkinë e Himarës në Shqipëri mbahen zgjedhjet për kryetarin e ri të bashkisë ku garojnë Petraq Gjikuria, nga koalicioni “Bashkë Fitojmë” dhe Vangjel Tavo, nga Partia Socialiste. Një nga problemet më të mëdha që u shfaq në votime ishte se rreth gjashtë mijë zgjedhës rezultonin me karta identiteti të skaduara. Ndërsa kandidatja demokrate për presidente Kamala Harris pritet të përballet në zgjedhje me kandidatin republikan Donald Trump, qëndrimet e saj për politikën e jashtme po ndiqen me vëmendje. Analistët thonë se ajo do të ndjeke një politikë vazhdimësie në arenën globale.