I dërguari amerikan për Ballkanin Perëndimor Gabriel Escobar, e vlerësoi të rrezikshme situatën në veriun e Kosovës. Ai i bëri thirrje Beogradit dhe Prishtinës të përmbushin detyrimet ndërkombëtare që dalin nga procesi i bisedimeve të ndërmjetësuara nga Bashkimi Evropian. Kryeministri i Kosovës Albin Kurti ka paralajmëruar mundësinë e një takimi neser me presidentin e Serbisë Aleksandër Vuçiç në Francë ndërsa marrin pjesë në Forumin e Paqes në Paris, me ftesë të presidentit francez Emmanuel Macron. Në SHBA, republikanët ndodhen edhe më pranë fitores së Dhomës së Përfaqësuesve; Xhorxhia mund të vendosë mbi fatin e Senatit.