Balanca e pushtetit në Kongresin amerikan do të përcaktohet të martën, ndërsa zgjedhësit po votojnë për të vendosur nëse demokratët do të vazhdojnë të mbajnë shumicën në Senat dhe Dhomën e Përfaqësuesve, apo pushteti do të zhvendoset drejt republikanëve. Ambasadorja amerikane në Kombet e Bashkuara, Linda Thomas-Grenfield thotë për Zërin e Amerikës, se trysnia ndaj Rusisë do të vijojë derisa ajo të largohet nga Ukraina. Në Kosovë partitë opozitare i kërkuan sot qeverisë që të bashkërendojë veprimet me aleatët perëndimorë për tejkalimin e krizës në veriun e Kosovës, pas tërheqjes së punonjësve serbë nga të gjitha institucionet vendase.