Të dërguarit e Uashingtonit dhe Brukselit, Escobar dhe Lajçak vazhdojnë takimet në Kosovë në një përpjekje për të shënuar përparim në bisedimet Prishtinë-Beograd, pas dështimit të takimit në Bruksel mes kryeministrit të Kosovës Kurti dhe Presidentit serb Vuçiç. Në 6 mujorin e luftës që përkon dhe me 31 vjetorin e pavarësisë nga ish-Bashkimi Sovjetik Presidenti i Ukrainës Volodimir Zelensky tha se vendi i itj do të luftojë për sovranitetin deri në fund. Ndërkohë Uashigtoni njoftoi sot një ndihmë të re ushtarake prej 3 miliardë dollarësh për Kievin. Në Shqipëri, gjykata e Elbasanit la në fuqi masën e arrestit me burg për dy shtetasit rusë dhe një ukrainas, të ndaluar të shtunën pranë ish-Uzinës së armëve në Gramsh. Prokuroria thotë se ka dyshime të bazuara në prova se ata janë rekrutuar nga shërbimet ruse.