Evropa vazhdon të sfidohet me një të ardhme të paqartë sa i përket furnizimit me gaz. Mundësitë që Moska të ndërpresë furnizimin në dimër, kanë nxitur thirrjet drejtuar vendeve anëtare që të ulin konsumin e gazit me 15 për qind deri në pranverën e ardhshme. Që nga fillimi i agresionit rus në Ukrainë gati dy milionë refugjatë ukrainas janë zhvendosur në Rusi. Do t’u sjellim rrëfimet e tyre dhe vështirësitë që po hasin ndërsa përpiqen të largohen nga Rusia. Në Kosovë, kryeministri Albin Kurti akuzoi Beogradin zyrtar se po u shmanget takimeve në Bruksel dhe zbatimit të marrëveshjeve të arritura.