Gjatë vitit 2021, shifrat zyrtare tregojnë se nga Kosova kanë emigruar mbi 42 mijë persona, kryesisht në drejtim të vendeve të Bashkimit Evropian. Vazhdojnë pasiguritë politike në Mal të Zi. Pas miratimit të marrëveshjes bazë me Kishën Ortodokse Serbe, partia e presidentit Gjukanoviq tërhoqi mbështetjen ndaj qeverisë së pakicës së kryeministrit Abazoviq. Sot Presidenti paralajmëroi mbajtjen e zgjedhjeve të parakohshme parlamentare për të dalë nga situata. Nga sot deri më 21 korrik, tubacioni “Nord Strem 1” nuk do të furnizojë Gjermaninë me gaz natyror nga Rusia. Operatori thotë se kjo është një ndërprerje për arsye të mirëmbjatjes, por autoritetet gjermane dyshojnë se kjo mund të jetë një lojë e re e Moskës për të nxitur pasiguri e rritur çmimet