Aleanca e NATO-s shpall strategjinë e re në takimin e Madridit duke përcaktuar Rusinë si rrezikun kryesor. Aleanca po ashtu miraton kërkesat e Finlandës dhe Suedisë për anëtarësim. Ish ndihmësja e Shtëpisë së Bardhë, Cassidy Hutchinson ofron hollësi dramatike nga dita që u sulmua Kapitoli. Presidenti Trump, sipas saj, donte të shkonte atë ditë në Kapitol së bashku me protestuesit, ndonëse ishte njoftuar se mes tyre kishte edhe persona të armatosur. Në Shqipëri një studim ri për gjendjen e shtypit vë në dukje se gazetarët, sidomdos ata investigativë, pengohen nga qeveria dhe pronarët e mediave. I dërguari i BE-së për bisedimet Kosovë-Serbi, Miroslav Lajçak, që po zhvillon një turne në këto dy vende, tha se synon organizimin e një takimi të nivelit të lartë para pushimeve të verës.