- Zëri i Amerikës siguron qasje ekskluzive në bazën “Fort Greely” e cila ndodhet pranë Rrethit Arktik si dhe në Bazën e Forcave Hapësinore, ku radari më i sofistikuar amerikan gjurmon raketat më vdekjeprurëse në botë. Drejtuesit e lartë ushtarakë tregojnë për Zërin e Amerikës se si funksionon sistemi dhe kapacitetet e përparura për asgjesimin e raketave ndërkontinentale dhe balistike që kërcënojnë interesat amerikane. - Në Shqipëri, Dhoma Amerikane e Tregtisë bëri të ditur se në qarqet e biznesit ka sërish rënie të besimit, për shkak të klimës së papërshtatshme për investime dhe terrenit të vështirë ekonomik. - Autoritetet në Kosovë përcaktuan të hënën çmimet maksimale të lejuara për derivatet e naftës, ndërsa vendi përballet me ngritje të çmimit të naftës. Aleanca e Biznesee paralajmëroi se do ta ankimojë vendimin në gjykatë.