Forcat ukrainase vijojnë përpjekjet për të penguar përparimin e trupave ushtarake të Rusisë në juglindje të vendit. Forcat ruse goditën ashpër rajonin lindor të Donbasit, por nuk arrijnë të marrin kontrollin e tre zonave, pjesë e objektivit të tyre. Në Shqipëri, Partia Demokratike, e kontrolluar nga ish-kryeministri Sali Berisha dhe mbështetësit e tij, mblodhi sot Kuvendin e saj duke i hapur rrugë ngritjes së institucioneve të reja drejtuese dhe garës për kreun e ri. Pjesa më e madhe e deputetëve të PD-së nuk morën pjesë në Kuvend. Pas periudhës së gjatë të pandemisë, personat me aftësi të kufizuara po përballen edhe me rritjen e shpejtë të çmimeve të artikujve ushqimorë, shkaktuar nga lufta në Ukrainë dhe kriza globale e tregjeve