Rreth 300 vetë dyshohet se kanë humbur jetën si pasojë sulmit nga ajri të forca ushtarake ruse më 16 mars që shkatërroi një teatër në qytetin e Mariupolit. Godina përdorej si strehë për qindra persona. Ndërkohë sipas njoftimeve trupat ushtarake ukrainase po rimarrin disa qytete në lindje të Kievit ndërsa forcat ruse po përballen me probleme logjistike. Presidenti Biden viziton Poloninë një vend që mban peshën më të madhe të refugjatëve të larguar nga Ukraina. Grupe qytetarësh serb të Kosovës protestuan sot në Mitrovicën e Veriut dhe në Graçanicë, për shkak të moslejimit të mbajtjes së zgjedhjeve të Serbisë në Kosovë. Në Shqipëri, ish-kryeministri Sali Berisha dhe përkrahësit e tij, hynë sot pasdite në selinë e Partisë Demokratike, pasi më herët Gjykata e Tiranës njohu zyrtarisht Kuvendin e thirrur prej tij më 11 Dhjetor.