Bombardimet e forcave ruse iu afruan më pranë qendrës së Kievit, ndërsa një sërë predhash goditën zona të banuara të kryeqytetit. Numri i banorëve ukrainas që janë larguar nga vendi i kaloi 3 milionë në atë që OKB e quan kriza më e madhe e refugjatëve në Evropë, që nga Lufta e Dytë Botërore. Arrestohet punonjësja e televizionit shtetëror rus që protestoi kundër luftës gjatë një transmetimi të drejtëpërdrejtë. Ligjet e reja në Rusi parashikonë dënime deri në 15 vjet për protestat kundër ushtrisë. Përfaqësuesi i Lartë i Bashkimit europian për Politikën e Jashtme dhe të Sigurisë, Joseph Borrell tha sot në Tiranë se paketa e katërt e sanksioneve ndaj Rusisë është një goditje tjetër e madhe ndaj Moskës.