-Rusia vazhdon bombardimin e qyteteve kryesore ukrainase, duke bërë objekt edhe civilët. Ndërsa autokolona me tanke e mjete të blinduara i afrohet Kievit, mbi 800 mijë ukrainas, sipas OKB-së janë larguar nga vendi i tyre për në perëndim. -Agjencia Ndërkombëtare për Energjinë Atomike shprehet e shqetësuar për sigurinë e objekteve bërthamore në Ukrainë, pasi forcat ruse njoftuan sot se kanë marrë nën kontroll centralin më të madh bërthamor të Ukrianës, Zaporizhia. -Firma Apple, ndërkohë njoftoi sot se ka ndërprerë shitjet e gjithë prodhimeve të saj në Rusi, duke iu bashkuar një liste të gjatë firmash që po tërheqin bizensin e tyre nga Rusia si Facebook, Google, Exxon Mobile, Shell dhe BP