Vazhdojnë përpjekjet për zgjidhje diplomatike të tensioneve Rusi-Ukrainë. Sot ministri i Jashtëm rus Sergei Lavrov tha se Moska duhet të vazhdojë bisedimet me Perëndimin. Megjithë zërat se Ukraina mund të rishikojë qëndrimin e saj ndaj NATO-s, banorët e kryeqytetit ukrainas, Kievit, shprehin mendime të ndryshime mbi çështjen e debatueshme, nëse vendi duhet të heqë dorë apo jo nga anëtarësimi në NATO, si një mundësi për të shmangur luftën. Në Tiranë, komisioni hetimor parlamentar që po heton mbi aferën e incineratorëve, nisi sot seancat dëgjimore me dëshmitë e administratorëve të kompanive, që trajtojnë mbetjet urbane në Tiranë, Fier dhe Elbasan. Kjo dyshohet të jetë afera më e madhe korruptive e dekadave të fundit, që kap vlerën e rreth 430 milionë eurove.