-Rusia dhe Bjellorusia nisën sot stërvitjet ushtarake masive, mes shqetësimeve në rritje për një pushtim të mundshëm të Ukrainës. Kievi ndodhet vetëm 120 km larg kufirit bjellorus. Rusia mendohet të ketë dërguar rreth 30 mijë trupa në Bjellorusi, në dislokimin më të madh të forcave për manovra ushtarake, që nga koha e Luftës së Ftohtë. -Në Shqipëri, vendimi i Partisë Demokratike për të votuar në favor të zgjatjes së mandatit të institucioneve të Vetingut, i hapi sot rrugë miratimit të ndryshimeve kushtetuese për këtë çështje. -Në Kosovë autoritetet po përpiqen të shtojnë numrin e të vaksinuarve me dozën e tretë, në një kohë kur numri i viktimave nga pasojat e koronavirusit ka shënuar rritje.