A po synon Rusia pushtimin e Ukrainës? Ekspertët analizojnë qëndrimet e Presidentit Putin, në një përpjekje për të zbardhur qëllimet ndaj Kievit. Ata thonë se kërkesat e tij maksimaliste mund ta kenë vendosur zotin Putin në një pozitë të vështirë. Analistët në Kosovë, thonë për Zërin e Amerikës se thirrja që dy zyrtarët e lartë amerikanë e evropianë, i bënë Prishtinës dhe Beogradit për zbatimin e marrëveshjeve të arritura deri tani, i shërben vendosjes së mirëbesimit në procesin e bisedimeve të ngecura prej kohësh. Në Shqipëri, përfaqësuesit e Presidentit Ilir Meta i kërkuan sot Gjykatës Kushtetuese deklarimin të papajtueshëm me kushtetutën dhe shfuqizimin e të gjitha akteve të ndërmarra nga parlamenti, të cilat çuan në vendimin për shkarkimin e Kreut të Shtetit.