Në Shqipëri, në fund të vitit të kaluar qeveria lëshoi një Eurobond në vlerën e 650 milionë eurove, kjo bëri që borxhi publik të rritet në mbi 80% të Prodhimit të Brendshëm Bruto. Ekspertët japin mendimet e tyre rreth ndikimit që do ketë ky zhvillim në ekonomi. Në Shtetet e Bashkuara autoritetet shëndetësore miratuan përdorimin e dozës përforcuese të Pfizerit edhe tek fëmijët 12 deri në 15 vjeç ndërsa vendi përballet me një valë të re infeksionesh me COVID. Ekspertët amerikanë thonë se ndryshimet klimatike ishin një nga faktorët që ndikuan në përhapjen e zjarreve masive që dogjën një mijë shtëpi në Kolorado.