Në Tiranë përfundon takimi i Ballkanit të Hapur me nënshkrimin e 5 marrëveshjeve mes tri vendeve të kësaj nisme, Shqipërisë, Serbisë dhe Maqedonisë së Veriut. Në selinë e Partisë Demokratike, dy palët që nuk njohin njera-tjetrën, përplasen në distancë, Berisha në konferencë shtypi nga selia i bën thirrje kryetarit Basha, që ishte në të njejtën kohë duke zhvilluar një mbledhje, të largohet. Kirurgu shqiptaro-amerikan Rifat Latifi, në intervistën e tij të parë si Ministër i Shëndetësisë në Kosovë, në një intervistë për Zërin e Amerikës shpjegon përparësitë e punës së tij.